Cihanı hiçe satmakdur adı ‘ışk

Döküp varlığı gitmekdür adı ‘ışk

Elinde sükkeri ayruga sunup

Aguyı kendü yutmakdur adı ‘ışk

Bela yagmur gibi gökden yagarsa

Başını ana dutmakdur adı ‘ışk

Bu ‘alem sanki oddan bir denizdür

Ana kendüyi atmakdur adı ‘ışk

Var Eşrefoğlı Rûmî bil hakikat

Vücudı fani itmekdür adı ‘ışk

Cefa vü renc ü mihnetdür adı ‘ışk

Firak u der-i firkatdür adı ‘ışk

Virüp rahatları mihnetler alup

Dün ü gün ah u hasretdür adı ‘ışk

Bir oddur kim cana düşmiş yanadur

Yürek tolu hararetdür adı ‘ışk

Kararı yok bu ‘ışkun bi-karardur

Ki dürlü dürlü haletdür adı ‘ışk

Münezzehdür gahi iki cihandan

Dükelinden feragatdur adı ‘ışk

Gönülde derd-i yar ancak hemindür

Bu halkdan kamu ‘uzletdür adı ‘ışk

Bu ‘ışkı kimse vasf itmez diliyle

Gam u gussa vü gayretdür adı ‘ışk

Sıfatdur ma ‘şuka bu ‘ışk u ‘aşık

Ki ‘ışk u ma’şuk bir zatdur adı ‘ışk

Bu ‘ışkı ol bilür kim ‘aşık oldı

Niçe tevhid ü vahdetdür adı ‘ışk

Sorarsan ‘ışkı Eşrefoğlı Rûmî

Tamam dostlıla vuslatdur adı ‘ışk